১/ মা আৰু আপোনাৰ অৱসৰপ্ৰাপ্ত দেউতাক অলপ হাত খৰছ দিয়া অভ্যাস গঢ়ি তোলক, সপ্তাহৰ ছুটিৰ দিনা কেতিয়াবা তেওঁলোকক ফুৰিবলৈ লৈ যোৱা অভ্যাস কৰক। মেলা, উৎসৱত তেওঁলোকক লগত লৈ যোৱা অভ্যাস গঢ়ি তোলক। পৰিয়ালৰ যিকোনো গুৰুত্বপূৰ্ণ আলোচনাত তেওঁলোকৰ পৰামৰ্শক অগ্রাধিকাৰ দিয়ক, তেওঁলোকৰ পৰামৰ্শ গ্রহণযোগ্য নহ’লে তাৎক্ষণিক প্রতিক্রিয়া কেতিয়াও নকৰিব।
২/ মা দেউতাই কিবা অন্যায় কাম, ভুল কাম কৰা দেখিলে ধুনীয়াকৈ বুজাই দি শুধৰণি হোৱাৰ সুযোগ অৱশ্যে দিয়ক, দাবী ধমকি নহয়। মানুহে জীৱনৰ শেষ সময় নিজৰ সন্তানৰ সৈতে কটাবলৈ খুব হাবিয়াস কৰে, সেয়ে তেওঁলোকক নিজৰ পৰা দূৰৈত নাৰাখিব। নাইবা তেওঁলোকক গৃহবন্দী বা গৃহকর্মী কৰিও নাৰাখিব কেতিয়াও। কাৰণ শিশু অৱস্থাত আপোনাক তেওঁলোকে যেনেকৈ লালন পালন কৰিছিল ঠিক তেনেকৈ বৃদ্ধ অৱস্থাত আপোনাৰ পৰা একে লালন পালন পোৱাটো তেওঁলোকৰ অধিকাৰ।
৩/ বোজা অনুভৱ কৰি তেওঁলোকক কেতিয়াও বৃদ্ধাশ্ৰমত ৰখাৰ পৰিকল্পনা নকৰিব ভুলতে। এনে কৰিলে বৃদ্ধ আৰু মৃত্যুপথযাত্রী মা দেউতাৰ হৃদয়ৰ অকাল মৃত্যু ঘটে। এনে কৰি কেতিয়াওঁ মা-দেউতাক অসন্মান নকৰিব। এওঁলোকৰ সন্মান জনক মৃত্যু কি জানে ? আপোনাৰ কোলাত মূৰ গুজি, আপোনাৰ হাতত ধৰি, প্ৰভুৰ নাম লৈ জীৱনৰ শেষ উশাহটি লোৱা। প্ৰকৃতিয়ে কাকো নেৰে এই কথা যিমানেই সত্য সিমানে সৰল। সেয়ে কোনোবাই যদি পথে বিচৰণ কৰিছে তেন্তে এতিয়াই ভাল পথত খোজ দিয়ক। এটি কথা মনত ৰাখিব যে পৃথিৱীৰ আটাইতকৈ গুৰুত্বপূৰ্ণ বিষয় আৰু সম্পত্তি হৈছে মা-দেউতাৰ ভালপোৱা, যাৰ বাবে নিস্বার্থভাবে মাতা পিতাই আপোনাক মোক লালন পালন কৰিছিল সৰু কালত। নিজৰ সুখ, দুখ, কষ্ট, বেজাৰ নেউচি ১০০ % ই উজাৰি দিছিল আপোনাক মোক মানুহ হিচাপে গঢ়ি তুলিবলৈ। পৃথিৱীৰ সকলো মাতা পিতা কুশলে থাকক।
৪/ নিয়মিতভাৱে তেওঁলোকৰ বেমাৰ আজাৰৰ খবৰ লওঁক আৰু চিকিৎসকৰ দ্বাৰা শৰীৰ পৰীক্ষা কৰাৰ ব্যৱস্থা কৰক, আৰু সেৱা শুশ্ৰূষা কৰিবলৈ অৱহেলা নকৰিব নহ'লে একে অৱহেলা আপোনাৰ সন্তানে আপোনাক কৰিব। বৃদ্ধ হ'লে, বয়স বাঢ়ি গ'লে মানুহৰ আচৰণ দ্বিতীয় শৈশৱলৈ গতি কৰে আৰু সেই আচৰণত অসহিষ্ণু আৰু ক্ষুব্ধ হ'ব নালাগে। এই সময়ত তেওঁলোকৰ সৈতে সহনশীল আৰু সহমর্মী হোৱা বাঞ্চনীয়, মতৰ অমিল হ'লেও তেওঁলোকৰ সৈতে তৰ্কত লিপ্ত হোৱা অনুচিত বিপৰীতে তেওঁলোকৰ প্ৰত্যেক প্ৰশ্নৰ উত্তৰ বিনম্ৰভাবে দিয়া উচিত।
৫/ সদায় মা-দেউতাৰ পৰা আশীর্বাদ ল'ব, বৃদ্ধ মা-দেউতাই যদি আপোনাক আশীর্বাদ কৰে তেনেহলে আপোনাৰ সংসাৰৰ উন্নতি হোৱাৰ লগতে আপোনাৰ শৰীৰ সুস্থ থাকিব। সেই বাবে যিমান পাৰে বৃদ্ধ মা-দেউতাৰ পৰা আশীর্বাদ ল'ব।
ধন্যবাদ আপোনাক ইমান সময় আমাৰ ৱেবচাইটত দিয়াৰ বাবে, ওপৰৰ তথ্য সমূহ জানি যদি আপোনাৰ ভাল লাগিছে তেনেহলে এটা কমেন্ট কৰিব।
আমাৰ নতুন নতুন জনপ্রিয় পোষ্ট সমূহ পঢ়ক
অনুগ্রহ কৰি নোট কৰক আমাৰ পোষ্ট সমূহ নিয়মীয়াকৈ আপডেট কৰা হয়,
সেই বাবে আৰু এনেকুৱা ধৰণৰ পোষ্ট পাবলৈ আমাৰ ৱেবচাইট www.AssameseStatus.com ৰ লগত থাকক ধন্যবাদ।
